بەهۆی چەند نیشانەیەك كە لە جەستەت روودەدات دەتوانی بزانی چ ڤیتامینێكت كەمە و بە شێوەیەكی سرووشتی چارەسەری خۆت بكەیت.
1: ئەگەر ئەمانە نیشانەكانت بن:
*هەوكردنی بەردەوام بەتایبەت لە بەشی سەروەی سییەكانی هەناسەدان.
*دەركەوتنی قڵیشانەوەو هەوكردن لەناو دەمدا.
* باش نەبینین لە شەودا.
*وشكی و هەڵوەرینی پێست.
ئەگەر هەر یەكێك لەم نیشانانەت هەبوو ئەوا ڤیتامینی A لە جەستەتدا كەمەو دەتوانی لەم خۆراكانە دەستت بكەوێ :
زەیتی جگەری نەهەنگ – پەنیر – ماست – قشتە.
سەوزە رەنگدارەكانی وەك كاهوو – سپێناغ –گێزەر –كەلەم –تەماتە – پاقلە بابەتیەكان – قۆخ و شەربەتی پرتەقاڵ .
2: ئەگەر ئەم نیشانانە لە جەستەت بەدیار بكەون:
*ئەگەر بە بەردەوامی هەست بە هيلاكى بكەیت و نەتوانی بەباشی تەركیز لەسەر شتەكان بكەیت.
*لێو قەڵشین .
*هەستیاری بە رووناكی .
*دڵەراوكێی هەمیشەیی .
*خەولێنەكەوتنی شەوانە .
ئەگەر ئەم نیشانانەت هەبن ئەوا تۆ ڤیتامین (B) كەمەو لەم جۆرە خواردنانەی خوارە دەستت دەكەوێ:
خەمیرە , جگەر , گۆشت , زەردێنەی هێلكە , میوە , فستق , سپێناخ, گێزەر , كەلەم .
3 : ئەگەر ئەمانەت هەبوو:
*بەردەوام تووشی كۆخە و هەڵامەتبووی .
*خوێنهاتن لە پوك .
*زوو چاكنەبوونەوەی برین .
ئەوا تۆ ئەو ڤیتامینەی لێت كەمە (C) یەو لەمانەدا هەیە:
جگەر،لیمۆ، پرتەقاڵ، لالەنگی شيلك، هەرمێ، توور، سێو، كەلەرم، مەعدەنوس، تەماتە.
4 : ئەگەر ئەم نیشانانەت هەبوو:
*ئازاری جومگەكان یان ئێسكەكان .
*هەڵوەرینی قژ .
ئەوا ڤیتامین (D) كەمە و لەمانە دەستت دەكەوێ :
زەیتی جگەری نەهەنگ، قەیماخ، ماست، زەردێنەی هێلكە، تیشكی خۆر .
5 : ئەگەر ئەمانەت هەبوو:
*بە كەمترین جوڵانەوە هه‌ست به هیلاكی بكه‌ی.
*برینەكانت لەسەرخۆ چاك بێنەوە .
ئەوا ڤیتامین (E) كەمەو لەم خۆراكانەدا هەیە:
سه‌وزه گه‌ڵا سه‌وزه‌كانی وەك كاهوو، جەرجیر، مەعدەنوس، سپێناخ، زەیتی تۆوی لۆكە، زەیتی لۆبیا، زەیتی گەنمەشامی و گەنم.
