سیر رەگەزێكی سەرەكییە لەچێشتخانەی ماڵەكاندا، بەوپێیەی لەگەل تامەكەیدا چەندین تایبەتمەندیی پزیشكیی هەیە، لەرابردوشدا بۆ چارەسەری چەند نەخۆشییەك بەكاردەهات.
سودەكانی سیریش بەهۆی بونی پێكهاتە كیمیاییە سروشتییەكانەوەیە، لەنێویاندا:
-سیر مادەی ئەلیسینی تێدایە كەبەهێزترین دژەئۆكسانە و تایبەتمەندیی دژە بەكتریا و ڤایرۆس و قارچكی تێدایە كەدژی هەوكردنی میكرۆب و پەتایە.
-سیری فرێش لەتوانایدایە بتپارێزێت لەژەهراوی بونی خۆراكی لەرێی لەناوبردنی بەكتریای ئیكۆلای و سەلمۆنیلا.
-سیر هاوكارە لەچارەسەری هەوكردنی پێست و توانای چارەسەری كەڕووەكان، سیر دەدرێت لەشوێنی پێكان و برینداری.
-ئەلسین توانای هەیە بۆ باشتركردنی سوری خوێن و كۆئەندامی هەرس و بەرگری.
-سیر فشاری خوێن دادەبەزێنێت و مادەی بۆلی سالفیدس دەگۆڕێ بۆ كبریتیدی هایدرۆجین لەرێی خانەی خرۆكەی سورەوە و هاوكاری مولولەخوێنەكان دەدات بۆ هەڵكشان و داكشان و كەمكردنەوەی فشاری خوێن.
-سیر بەسوودە لەلەناوبردنی ژەهری لەش و سارێژبونەوەی بریندا.
-سیر رێگرە لەجەڵتە.
-سیر رێژەی كۆلیسترۆڵی بەرز دادەبەزێنێت.
-سیر دەتپارێزێت لەسەرمابون و پەتا و هەوكردنی قورگ.
-سیر دەتپارێزێت لەشێرپەنجە بەهۆی بوونی پێكهاتەی سەلفاتەوە.
-سیر چارەسەری ئەنیمیا دەكات.
-سیر ئازاری ددان ناهێڵێت بەهۆی تایبەتمەندییە دژە بەكتریاییەكانییەوە.
