سه‌رچاوه‌یه‌كی وه‌زاره‌تی دارایی و ئابووری هه‌رێمی كوردستان رایگه‌یاند كه سبه‌ینێ مووچه‌ی مانگی تشرینی یه‌كه‌می هه‌ردوو وه‌زاره‌تی كشتوكاڵ و وه‌زاره‌تی ڕۆشنبیری و لاوان دابه‌ش ده‌كرێت.
"باسنیوز" له زاری سه‌رچاوه‌یه‌كی وه‌زاره‌تی دارایی و ئابووری هه‌رێمی كوردستانه‌وه كه به "باوه‌ڕپێكراو" ناوی بردووه، بڵاویكرده‌وه كه سبه‌ینێ سێشه‌ممه 2014/12/16، مووچه‌ی مانگی تشرینی یه‌كه‌می هه‌ردوو وه‌زاره‌تی كشتوكاڵ و وه‌زاره‌تی ڕۆشنبیری و لاوان دابه‌ش ده‌كرێت.
پێشتر رێباز محه‌مه‌د حه‌ملان، وه‌زیری دارایی و ئابووری ڕایگه‌یاندبوو كه له 18ی ئه‌م مانگه‌دا 500 ملیۆن دۆلاری دیكه له لایه‌ن حكومه‌تی عیراقه‌وه بۆ هه‌رێمی كوردستان ده‌نێردرێت و بۆ دابه‌شكردنی مووچه‌ی ئه‌و وه‌زاره‌تانه ته‌رخان ده‌كرێت، كه مووچه‌ی مانگی 10یان وه‌رنه‌گرتووه.
